ساحر القلوب
رئيس المنندى
عدد الرسائل : 807
العمر : 32
تاريخ التسجيل : 11/03/2007
 | موضوع: الفرق بين xbox و playstation 2  الجمعة أغسطس 03, 2007 2:32 am | |
| 1- اذا جنت مفكر تشتري واحد هسه اشتري بليستيشن 2 وديربالك تشتري اكس بوكس. تريد تعرف ليش اقره بعد جوة.
2- السبب الرئيسي انه شركة مايكروسوفت (اللي تصنع الاكس بوكس) وقفت انتاج الجهاز ووقفت صنع اللعبات.
3- بقت الشركات الاخرى اللي يسموهه (third party) هذوله قسم منهم ظلوا يصنعون العاب للاكس بوكس لفتره قصيره متزيد عن سنه.
4- بسبب ظهور ال xbox 360 وازدياد الشراء مالته وقله الناس اللي يلعبون الاكس بوكس الاول بدأ يقل عدد الناس اللي يشترون العاب اكس بوكس.
5- الشركات اللي تصنع الالعاب بدأت تخسر فلوس لان عدد قليل ديشتري العابهم فبطلوا يسوون لعبات اصلا.
6- من ناحية البليستيشن 2 . هوه اكثر شهرة وانتشار بالعالم (يعني هوايه ناس يشترون لعباته)
7- سعر البليستيشن 3 الغالي ساعد على بقاء البليستيشن 2 حي. خاصة لمحبي البليستيشن وميحبون الاكس بوكس وميشتروه.
8- عدد مالكي البليستيشن الكبير( يعني الطلب على الالعاب الكبير) خلى الشركات تبقه تصنع لعبات للجهاز وهيه باستمرار اللعبات دتجي هسه كل يوم.
فمثل ما كتلك لتشتري اكس بوكس لانه رااااااح مات.
نجي هسه عله ياهو احسن بغض النظر عن وجود اللعبات.
الاكس بوكس احسن من البليستيشن 2 في عدة اشياء:
1- الكرافكس والتجسيم احسن لكن ماكو فرق كبير لان اللعبات موجوده على الجهازين نفسهه.
2- ال xbox اسرع في التحميل(يعني وين ماكو LOADING باللعبات) وملاحظ بصورة كبيره في لعبة GTA: San Andreas
3- جهاز ال xbox متميز بتحويراته الكثيرة (modding) يعني تحويره لتشغيل اللعبات المستنسخه وتحويرات عديده في السوفتوير وبعد التحوير تكدر تنزله برامج عديده واشهرها xbox media center اللي يخلي الجهاز ميديا سنتر كامل ويشغل كل انواع الفديو والصوت, وتكدر تنزله اميوليترات Emulators لتشغيل العاب الاجهزه السابقة مثل السيجا والننتندو وحتى playstation 1 . وبعد اكو كومه شغلات مابيه حيل احجي عليهه مثل خاصية خزن الالعاب على الهارد و عمل FTP مع الكومبيوتر لنقل اي شي من الكومبيوتر للاكس بوكس....الخ.
4- الاكس بوكس ياخذ 4 جويستكات (ادوات تحكم)
5- خزن السيفات (saves) على الهارد وعلى ميموري كارد.
بعض الملاحظات عن البليستيشن 2:
1- لعبات شهيره تصنع حصريا بس اله مثل resident evil و devil may cry و metal gear solid لكن اكو نسخه من metal gear نزلت عالاكس بوكس ,و ايضا لعبات GTA هم حصريه للبليستيشن بس نزلت عالاكس بوكس بعد فترة ما عدى GTA Librity City Stories.
2- بيه تحويرات بس محدوده وقليله جدا
3- حجم الجهاز صغير وخفيف بينما الاكس بوكس جبير وثكيل كلش.
4- واهم شي هسه بالبليستيشن 2 انه مستمر لعباته دتجي مثل ما كلت في بداية الموضوع.
شكرا لقرائتكم للموضوع
الموضوع غير منقول والمعلومات هذي من خبرتي في استعمال الجهازين ومن المعلومات اللي قاري عنهه في الانترنت.
جميع الحقوق محفوظه ويرجى ذكر المصدر عند النقل | |
|
التسجيل 
دخول 